Velkomin á Langanesströnd

 

Á þessari vefsíðu er að finna ýmsan fróðleik um svæðið sem yfirleitt er nefnt Langanesströnd. Vefurinn er fyrst og fremst hugsaður sem byggðasöguvefur, þar sem aðgengileg er á einum stað saga svæðisins frá öndverðu til okkar daga, ásamt ýmsum áhugaverðum upplýsingum.

 

Heimildum hefur verið safnað saman víða og er einkum byggt á skriflegum heimildum sem birst hafa áður. Hins vegar er á síðunni að finna töluvert efni sem ekki hefur áður birst opinberlega. Hugsunin er sú að vefurinn stækki með tíð og tíma og eru lesendur því hvattir til að koma á framfæri efni sem rétt er að birtist á síðunni.